Тешка несреќа во Скопје, мотоцикл усмрти пешак
Смртоносна сообраќајна несреќа се случи на 30 јуни околу 13:45 часот на улицата „Шар планина“ во Скопје, кога мотоцикл „БМВ“ со бугарски регистарски таблички удрил во пешак.
Како што информира Министерството за внатрешни работи, мотоциклот го управувал 22-годишниот М.О. од Скопје, а при несреќата животот го загубил 72-годишниот пешак К.Г., исто така од Скопје. Смртта на местото на настанот ја констатирал лекар од Итната медицинска помош.Возачот на мотоциклот по наредба на јавен обвинител е лишен од слобода и задржан во полициска станица, а увид на местото на несреќата извршила екипа од Министерството.
По целосно расчистување на случајот, ќе биде поднесена соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
