Судир меѓу ДУИ и ВРЕДИ поради влез на српски капитал во земјава

Двата опоненти од албанскиот политички блок, ДУИ и ВРЕДИ се препукуваат за наводно продирање на српски капитал и влијание во земјата.

ВРЕДИ тврдат, ДУИ одамна престанала да ги штити интересите на Албанците, откако како што велат, дозволила влез на српски и црногорски компании во клучни економски сектори, вклучитечно во мобилната индустрија и казината.

„ДУИ го донесе ‘српскиот свет’ во срцето на земјата, го воведоа МТЕЛ, дозволија пенетрација на српските подземни структури и преку Бујар Османи работеа за Белград и против Косово“, се наведува во соопштението. ВЛЕН најавува дека ќе продолжи да ги брани евроатлантските вредности и националните интереси на Албанците.

ДУИ, пак, одговори дека ВРЕДИ во изборната кампања на претходните парламентарни избори ветила основање на Албанска банка со доминантен албански капитал како гаранција за економско зајакнување и рамномерен регионален развој. 

ДУИ повтори дека државата не смеела да дозволи влез на српска банка на македонскиот пазар бидејќи тоа, според нив, бил дел од дестабилизирачките интереси на Белград. 

И двете партии со денови се обвинуваат една со друга за предавство на интересите на Албанците и за поддршка на т.н. „Српскиот свет“ во Македонија. Со оглед на предизборието, се очекува дека оваа тема ќе се најде во политичката дебата.