Нов пекол доаѓа кон Македонија - температурите се враќаат близу 40 степени
Во наредните денови Македонија ја очекува топлотен бран со значително високи дневни температури, особено во втората половина од неделата.
Според прогнозата, од вторник до петок дневните температури постепено ќе растат, достигнувајќи 36 степени на 28 август, 37 степени на 29 август и дури 38 степени на 30 август. Најжешкиот период ќе биде токму кон крајот на месецот, кога и ноќните температури ќе останат релативно високи – околу 16 до 17 степени.
Во првите денови од септември се очекува мало разладување, но остануваат летни услови. На 31 август температурата ќе се спушти на 32 степени, додека на 1 и 2 септември повторно ќе има пораст до 36 степени. Потоа, од 3 до 6 септември се најавуваат нешто попријатни температури помеѓу 31 и 33 степени со делумна облачност.
Граѓаните се советуваат да бидат внимателни во најжешкиот дел од денот, да консумираат повеќе течности и да избегнуваат директно сонце околу пладневните часови, кога УВ индексот е највисок.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
