Османи најостро го осуди денешното пукање на северот на Косово

Шефот на македонската дипломатија, Бујар Османи најостро го осуди денешното пукање на сверот на Косово во кое еден полицаец е убиен, а двајца се повредени.

„Најостро го осудувам убиството на полицаец во северниот дел на Косово. Моето срце е со неговото семејство и колегите. Целосна поддршка, сторителите на овој грозоморен чин да бидат изведени пред лицето на правдата. Актите на насилство нема да ја поткопаат стабилноста на Косово. Безбедноста на граѓаните на прво место“, напиша Османи на социјалната мрежа „Твитер“.

За потсетување, еден косовски полицаец е убиен, додека двајца се ранети во пукање денес наутро на подрачјето на Звечан, на северот на Косово, потврди косовската полиција денес.

I strongly condemn the killing of a police officer in north of R.Kosovo. My heart goes out to his family & colleagues. Full support for justice bringing perpetrators of a this heinous act to justice. Acts of violence won't undermine Kosovo's stability. Citizens' safety first.

— Bujar Osmani (@Bujar_O) September 24, 2023