Поради пандемијата Балканците и Европејците се повеќе се свртувале кон дрогата

Студијата на Европската агенција за дроги покажа дека употребата на канабис се зголемила за време на пандемијата, додека „клупските дроги“ ја изгубиле својата популарност.

Ограничувањата поради пандемијата на Ковид-19 имале најголемо влијание врз шемите на потрошувачка на канабис и екстази, при што употребата на канабис се зголемувала, а употребата на дрога во клубовите (МДМА/екстази) се намалувала, според студијата објавена од Европската агенција за дрога (EMCDDA).

Резултатите од истражувањето ги пренесе хрватскиот психијатар Иван Ќелиќ од Институтот за двојни нарушувања на психијатриската клиника Врапче од Загреб и пратеникот на ХДЗ, пренесува Хина.

Речиси 50.000 луѓе на возраст над 18 години учествувале во онлајн анкета спроведена во март и април 2021 година во 30 земји (21 во ЕУ и 9 не-членки).

Анкетата била спроведена во екот на најстрогите затворања поради пандемијата на Ковид 19.

Истражувањето покажало дека канабисот е најупотребувана дрога, а 93 отсто од испитаниците рекле дека консумирале „трева“ во претходните 12 месеци, со мали разлики меѓу земјите.

МДМА / екстази (35 проценти), кокаин (35 проценти) и амфетамин (28 проценти) се следните најчесто пријавени нелегални супстанции, а нивниот редослед варира од земја до земја.

Приближно една третина од испитаниците (32 проценти) рекле дека користат повеќе канабис, а 42 проценти користат помалку МДМА/екстази.

Една петтина (20 проценти) од испитаниците во студијата изјавиле дека користеле ЛСД минатата година, 16 проценти користеле нови психоактивни супстанции (НПС) и 13 проценти кетамин. Три проценти од испитаниците пријавиле консумирање хероин.

Иако примерокот за потрошувачка на хероин бил мал, повеќе од една четвртина од овие испитаници (26 проценти) рекле дека почесто ја користеле дрогата во периодот на истражувањето.

Иако онлајн анкетите не се репрезентативни за општата популација, кога се внимателно спроведени и комбинирани со традиционалните методи на собирање податоци, тие можат да помогнат да се создаде подетална, реална и навремена слика за употребата на дрога и пазарот на дрога во Европа, според ЕМЦДДА.

Во истражувањето учествувале и испитаници од Западен Балкан.

На истражувањето одговориле повеќе од 2.000 возрасни (2.174) од Албанија, Косово, Црна Гора, Македонија и Србија.

Мнозинството од испитаниците (91 процент) рекле дека користеле канабис во претходните 12 месеци, потоа кокаин (38 проценти), МДМА / екстази (22 проценти) и амфетамин (20 проценти).

Повторно, околу една третина од испитаниците (32 проценти) рекле дека користеле повеќе канабис, додека 34 проценти користеле помалку МДМА/екстази.

Скоро еден од шест (17 проценти) испитаници изјавиле дека користеле НПС минатата година, додека девет рекле дека користеле ЛСД. Осум проценти од испитаниците изјавиле дека користеле и хероин и метамфетамин.

Домот бил пријавена како најчеста средина за употреба на дрога во тој период (85 отсто од испитаниците во истражувањето на ЕУ и 72 отсто во Западен Балкан) поради карантин и затворање ноќни клубови.

Најчести мотиви за консумација на канабис биле релаксација, интоксикација и помагала за спиење, додека за МДМА/екстаза биле поради нејзините еуфорични и друштвени ефекти.

27.01.2022 - 19:58

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега