Премиерот бил среќен што Ристо Пенов бил предложен да го замени Милевски

Премиерот Димитар Ковачевски денеска изјави дека во Владата ќе има промена само на министерското место за локална самоуправа, но не и на челните места на други министерства.

-Среќен сум што Ристо Пенов е предложен, го сметам за еден од најдобрите градоначалници во Македонија. Има успешни проекти. Прво ќе оди оставката па избор на нов министер“, кажа премиерот Димитар Ковачевски.

Тој рече дека се уште нема добиено допис официјално и се сведува на изјави.

Премиерот рече дека нема да има други промени во владиниот состав.

-Ви кажав, смена ќе има во Министерство за локална самоуправа, со оглед на тоа дека имаме оставка на министерот. Нема друг план. Друго нема во план, рече премиерот Ковачевски.