СДСМ: Дополнителни 1.100 стечајци ќе добиваат месечен надомест од над 9.200 денари
Парламентарното мнозинство предводено од СДСМ во континуитет покажува што значи вистинска грижа за граѓаните. Помош и поддршка за ранливите категории останува наш врвен приоритет од кој не отстапуваме. За таа цел, парламентарното мнозинство предводено од СДСМ ги усвои измените и дополнувањата на Законот за стечајци.
Ова денеска го соопшти владејачката партија посочувајќи дека дополнителни 1.100 стечајни работници ќе добиваат месечен надомест од 9.242 денари месечно до пензионирање или вработување.
-На овој начин реализираме уште едно предизборно ветување и исправаме децениска неправда кон овие наши сограѓани. Досега, го решивме статусот на околу 13.000 стечајни работници кои не по своја вина останале без работа и без регулиран статус. Како одговорна социјалдемократска партија продолжуваме да решаваме долгогодишни проблеми кои водат до унапредување на животниот стандард на граѓаните, се вели во дописот од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа