СДСМ: Мицкоски да ја прифати пораката од граѓаните и да се повлече од деструкциите
СДСМ смета дека ВМРО-ДПМНЕ и Христијан Мицкоски добиле јасна порака од граѓаните за време на митингот.
„ВМРО-ДПМНЕ и Христијан Мицкоски, на дебаклот од митинг, добија јасна порака од граѓаните дека не сакаат блокади и деструкции.
Во време на најголема глобална економска и енергетска криза граѓаните очекуваат одговорност, конструктивност и посветеност од страна на сите политички партии.
ВМРО-ДПМНЕ треба да ги прифатат овие пораки од граѓаните, да го променат својот деструктивен начин на однесување и да го стават интересот на граѓаните на прво место.
Наместо да биде единствен опозициски политичар кој и во време на криза работи против државата и граѓаните, Мицкоски да се повлече од деструкциите“, велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа