СДСМ: Мицкоски и ВМРО-ДПМНЕ да го споделат повикот за попишувачи и да се откажат од блокадите
Владејачката СДСМ му одговори на лидерот на ВМРО-ДПМНЕ Христијан Мицкоски по прозивката дека од партиски профили се објавувале повици за државни попишувачи.
-Ги повикуваме и Мицкоски и ВМРО-ДПМНЕ да го споделат овој повик и сите следни повици поврзани со пописот. Конечно, Мицкоски и ДПМНЕ да се откажат од блокадите, да ги повикаат граѓаните да се попишат, наместо да коваат планови за бојкот за кои и самите знаат дека нема да им успеат. Огласот е државен, секој има право да се пријави, секој може и треба да го промовира, напишаа од СДСМ во објавата на Фејсбук со која се споделува повикот за државни попишувачи.
Владејачката партија ги повика сите заинтересирани граѓани да се вклучат во споделување на повикот за попишувачи објавен од Државниот завод за статистика.
-Потребни се попишувачи кои ќе се пријават на јавен, отворен, транспарентен и државен повик, се вели во објавата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
