СДСМ: Одговорниот и транспарентен пристап на СДСМ ја трансформираше полицијата во вистински заштитник на граѓаните.
Одговорниот и транспарентен пристап на СДСМ ја трансформираше полицијата во вистински заштитник на граѓаните, велат од СДСМ преку соопштение.
„Во континуитет инвестираме во подобрување на условите за работа, што придонесува денес да имаме високо мотивирана полиција која ефикасно и неселективно се справува со секој вид на криминал. За овие четири години реконструирани се 58 објекти на Министерството за внатрешни работи, а изградени и во фаза на градба се неколку објекти за потребите на МВР“ велат од СДСМ преку соопштение.
Од партијата наведуваат дека континуирано се вложува и во набавка на нова опрема. Само во овој период набавени се 8.000 чевли, нови униформи за единицата за брзо распоредување и интервентната полиција, набавени се 40 нови дрегери, како и нови радарски системи.
„Сите овие инвестиции придонесуваат за поефикасна работа на полицијата и намалување на стапката на криминалот. Во првото полугодие од оваа година бележиме пад на криминалот за 10,8 отсто споредено со истиот период лани. Овој ефикасен пристап резултира со постојан раст на довербата на граѓаните кон полицијата која денес е вистински чувар на законите и правниот поредок, велат од СДСМ.
25.07.2021 - 10:05
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
