Таравари: Aлбанскиот гласач гласа против ДУИ од 2011 година

Кандидатот за претседател на албанската опозиција, Арбен Таравари вели дека албанските гласачи од 2011 година гласал против ДУИ. Причината на опстојувањето на партијата на Али Ахмети тој ја гледа во разединетата опозиција.

–Опозицијата тогаш не можеше да се обедини, па и во 2016 година, па и во 2020 година. Да бевме Алтернатива, Алијанса и Беса заедно, ќе ја победевме ДУИ. Сега беше моментот и сега е моментот да ги донесеме промените во албанскиот блок, рече Таравари, во интервју за Телма.

Според него, неуспехот на политичарите не е неуспех на граѓаните. Тој тврди дека нивните анкети покажуваат неизбежна промена во албанскиот политички блок на 8 мај.