Возел со 3,47 промили алкохол во крвта: МВР со детали за тројца уапсени возачи

Лишени од слобода возачи од виничко, Куманово и Струмица кои возеле под дејство на алкохол и предизвикале сообраќајни несреќи.

Како што информираат од МВР, вчера (30.08.2025) во 13:10 часот во Струмица, полициски службеници од СВР Струмица го лишиле од слобода Р.П.(52) од Струмица. Тој на булевар „Ленинова“ во Струмица, управувајќи патничко возило „пасат“ со струмички регистарски ознаки, учествувал во сообраќајна несреќа, а при увидот било утврдено дека возилото го управувал под дејство на алкохол, односно дека имал 3,47 промили алкохол во крвта.

Исто така, вчера (30.08.2025) на магистралниот пат Куманово-Крива Паланка, полициски службеници од СВР Куманово го привеле М.В. (45) од Куманово. При вршење на увид на сообраќајна несреќа во која учествувал М.В. со патничко возило „голф“ со кумановски регистарски ознаки, било утврдено дека возилото го управувал со 1,99 промили алкохол во крвта.

На 30.08.2025 во 23:30 часот на ул. „Партизанска“ во Виница, полициски службеници од СВР Штип ја лишиле од слобода Х.С. (22) од с. Лески, Виница. При вршење на увид на сообраќајна несреќа во која учествувала Х.С. со патничко возило „цитроен“ со винички регистарски ознаки, било утврдено дека возилото го управувала со 3,20 промили алкохол во крвта.

По документирање на случаите, ќе бидат поднесени пријави по член 297-а од Кривичниот законик-„безобѕирно управување со моторно возило“, информираат од МВР.