Томовски: Дали причината за молкот на Владата за францускиот предлог е поради фактот што тие веќе го имаат прифатено?!
Ивица Томовски, член на Централниот комитет на ВМРО-ДПМНЕ, ја праша Владата дали причината за нивниот молк за францускиот предлог е поради тоа што веќе го прифатиле.
„Почитувани,
Според нашите информации предлогот од Париз е одобрен од каналите за комуникација помеѓу Македонското МНР и Француската Република. Владата на Македонија се согласила со последниот катастрофален предлог за Македонија. Дали причината за молкот на Владата за овој предлог е поради фактот што тие веќе го имаат прифатено? Јавно нека кажат кој е нивниот став.
Дали се свесни дека доколку го имаат прифатено предлогот кој ги содржи сите бугарски барања, прават ново национално предаство. Јавно нека каже, дали Ковачевски се согласил со бугаризација на Македонија?
Предлогот кој ги вклучува сите Бугарски барања во рамката за преговори за влез во ЕУ е со амин на македонските власти. Со предлогот се условува влез на Македонија во ЕУ со бугаризација која ќе се спроведува етапно, а сето тоа ќе биде надгледувано од Комисија. Предлогот не е решение на проблемот, тој ќе создаде мноштво други проблеми кои имаат за цел да ги асимилираат Македонците. Предлогот не е воопшто европски и не се потпира на вредностите за хуманост, соработка и рамноправност.
ВМРО-ДПМНЕ уште еднаш потенцира дека го отфрла овој предлог и нема да поддржи никакво решение кое е на штета на Македонските интереси.
Ајде на избори, па народот да одлучи за францускиот предлог и за тоа како понатаму со државата“, вели Томовски.
21.06.2022 - 12:27
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
