Топ 6 есенски намирници за јакнење на имунитетот - ја золемуваат одбраната на организмот од вируси и настинки

Нутриционистите советуваат да јадеме пет порции овошје и зеленчук дневно.

Есенската храна е богата со антиоксиданси, кои се многу корисни во борбата против разни болести, бидејќи ја спречуваат оксидацијата на клетките.

Советите на нутриционистите диктираат да јадеме пет порции овошје и зеленчук дневно, а доколку сакате да го зајакнете имунитетот, вклучете ги овие намирници во вашата исхрана.

Ова се шесте намирници кои најдобро го зајакнуваат имунитетот, а ни ги носи есента!

Костен

Се препорачуваат за оние кои страдаат од бубрежни заболувања, богати се со калиум и фосфор и содржат бакар, кој ги зајакнува коските и имунитетот. Костенот го забрзува производството на црвени крвни зрнца, но тие се доста калорични, па затоа ќе ве држат сити.

Круша

Омиленото есенско овошје содржи голема количина витамин Б, што ни помага полесно да се справиме со стресот. Тоа е многу корисно во исхраната на дијабетичарите, бидејќи има висока содржина на влакна и помага да се спречи дијабетес. Тие се добри за стомакот и срцето, бидејќи го регулираат и нивото на холестерол во крвта.

Тиква

„Портокаловата кралица на есента“ е богата со здрави масни киселини, а омега-3 киселините се важни за здравјето на срцето и крвните садови.

Има многу влакна, поради што го чисти дигестивниот тракт, а каротеноидите во неаа го намалуваат ризикот од рак и ја штитат кожата од УВ зраци. Семките од тиква содржат вистинска ризница од влакна, фосфор, манган и железо.

Цвекло

Широко познат како најдобар лек против анемија, го штити црниот дроб и го намалува крвниот притисок. Со конзумирање цвекло, и сурово, ќе ги „елиминираме“ сигналите за исцрпеност.

Брокула

Само 45 грама брокула му дава на телото 70 проценти од дневната препорачана доза на витамин Ц, и покрај тоа, содржи антиоксиданси кои дејствуваат против разни видови на рак. Задолжително варете ја, кратко, на пареа бидејќи долгото готвење уништува важни хранливи материи.

Јаболко

Секој знае дека едно јаболко дневно штити од „одење на лекар“, поради високата содржина на витамини. Јаболката го зајакнуваат имунитетот, спречуваат настинки и го намалуваат ризикот од инфекција на респираторниот тракт. Успешно го намалуваат холестеролот, а поради содржината на пектин помагаат во детоксикација на телото, одржувајќи рамнотежа во цревната флора.