Украина нареди евакуација на цивили од истокот на земјата
Украинските власти објавија дека спроведуваат нови евакуации на цивили од своите источни територии, каде што руските трупи продолжуваат да освојуваат територии со месеци.
Украина ја спроведе истата мерка на крајот на јули.
„Почнуваме со задолжителна евакуација на семејства со деца“, објави на Телеграм Вадим Филашкин, гувернер на регионот Донецк, каде што се водат поголемиот дел од борбите.
Тој наведе околу дваесет места што ќе бидат евакуирани. Тие села, каде што живеат стотици луѓе, се наоѓаат на приближно 30 километри од фронт-линијата.
Филашкин напиша „Повторувам уште еднаш: престојот во регионот Донецк е исклучително опасен. Евакуирајте се додека се уште можете“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
