ВМРО-ДПМНЕ: Ивица Б. не е шеф на обезбедувањето на Мицкоски, но е ангажиран како дел од обезбедувањето

„Споменатото лице за кое медиумите известуваат дека било дел од инцидент е ангажирано како дел од обезбедувањето, но истото не е шеф на обезбедување на претседателот на ВМРО-ДПМНЕ“, велат од опозициската партија во однос на инцидентот на полициските службеници кој се случи вчера пред скопски локал.

„Од она што ни е познато станува збор за лична нетрпеливост меѓу двајцата полициски службеници.

По ваквиот настан, истото ќе биде отстрането од обезбедувањето и нема да има никакви работни ангажмани поврзани со Претседателот на партијата.

Бараме органите, без задршка да ги преземат сите потребни мерки за расветлување на настанот и најостро да казнат секaков вид на насилство, постапувајќи во согласност со законот“, велат од опозициската партија во соопштение испратено до медиумите.