ВМРО-ДПМНЕ: Ковачевски е дефакторизиран, никој не го прашува за ништо

Ковачевски е дефакторизиран, никој не го прашува за ништо, негови пратеници не гласаа, избори се решение, реагира опозициската ВМРО-ДПМНЕ по интервјуто на премиерот Димитар Ковачевски во Дневникот на Сител.

-Цела година Ковачевски шири лаги дека ќе има уставни измени, дека ВМРО-ДПМНЕ ќе поддржи и што уште не. Не само што нема уставни измени, и што ВМРО-ДПМНЕ е конзистентно на ставот против уставните измени, туку и пратеници од СДС и коалицијата се против. Ковачевски не може да избега од фактот што во Собранието имаше 70, а не 73 пратеника колку што тврди дека поддржуваат уставни измени, велат од опозициската партија.

Според ВМРО-ДПМНЕ, Ковачевски и СДСМ ја донеле Македонија во ќорсокак, прифаќајќи услови за кои, како што велат оттаму, против се 80% од граѓаните.

-Политиките на Ковачевски не соодвествуваат со ставот на мнозинството Македонци. И самиот Ковачевски знае дека уставни измени нема да има, се што прави е ден повеќе да ја задржи својата позиција. Не му се важни ниту граѓаните, ниту државата. Но треба да е свесен додека тој себично размислува за себе и за кликата околу себе, Македонија тоне. Единствен излез од оваа криза се само избори, се вели во реакцијата.