ВМРО- ДПМНЕ: СДСМ се целосно избезумени оцрнувањата, лагите и манипулациите продолжуваат, но безуспешно- крајот е блиску за дезертерот Заев
Целосно избезумени од последната анкета на НДИ, СДСМ во безуспешен обид за оцрнување на ВМРО-ДПМНЕ и претседателот Христијан Мицкоски, велат во реакција од ВМРО-ДПМНЕ на прес конференцијата на Стефан Васев.
-Дезертерот Зоран Заев кукавички две недели одмораше по грчките плажи додека пола Македонија беше во пламен. Се врати во Македонија за фотосесија и без грижа кон граѓаните дали ќе го изгубат својот живот или имот повторно се врати да се сонча на море.Во Македонија има целосна експлозија на корона вирусот изминатата недела, над 30 починати и повеќе од 3000 заразени, ама од Бихаќка не ги интересира здравјето и целосниот хаос во здравството и измислуваат лаги за дефокус на македонската јавност и реалните проблеми, стои во реакцијата.
Од партијата наведуваат дека додека денес во Македонија стотици граѓани го загубија своето работно место, а уште илјадници не знаат како ќе го преживеат денот криминалците од власта уживаат во своите одмори, без ни тронка чувство за одговорност.
-Јасно им е на СДСМ и перјаниците на власта дека немаат со што да се пофалат, за завршен проект или некоја нова фабрика, па се пуштени на најјако со лажни вести. За само два месеци криминалците од СДСМ ќе го слушнат гласот на народот. Но, потоа за секој криминал, или корупција, за секоја лага ќе одговараат. Крајот е многу блиску за криминалците, дезертерите и неработниците, се вели во реакцијата од ВМРО-ДПМНЕ.
14.08.2021 - 14:53
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
