Заев: Ќе се смени името на СДСМ

На следните конгреси на партијата ќе се разговара за промена на името на СДСМ, изјави премиерот Зоран Заев денеска за новинарите.

- Откако се случија Уставните промени сме одржале само еден конгрес, он-лајн, не знаејќи ја успешноста и до каде може да се организираме, со ефикасноста на работењето. Верувам дека во периодот пред нас ќе постапиме согласно Преспанскиот договор и во Социјал демократскиот сојуз на Македонија. Дури дадовме информација во делот на новото име: СДСМ - социјал демократи од Северна Маакедонија. Има и други идеи, ние отворено и транспарентно ја отворивме дебатата, заради тоа што апелираме до сите да постапуваат согласно Уставот и законите, ние секако треба да бидеме пример за тоа.