Зоолошка доби нови членови: За првпат во Скопје пристигнаа пингвини (ФОТО)

Пристигнаа пингвините во скопската Зоолошка Градина. Оттаму соопштија дека тие полека се адаптираат на својот нов дом. Веќе ја добиле првата вечера, а го оствариле и првиот контакт со своите нови негуватели.

-Периодот кој следува ќе бидат во карантин, за полесно да се приспособат на живеалиштето, а ние постојано ќе ве „частиме" со интересни фотографии и видеа се додека не дојде моментот да ги видите и во живо. Пингвинчињата ќе живеат во современо живеалиште правено по светски стандарди, со голем надворешен базен и внатрешен топол дел со затворен базен, велат од Зоолошката градина.