Агенцијата за аудиовизуелни медиумски услуги ги осуди вербалните навреди врз новинарите

Во врска со јавниот протест, организиран од страна на група граѓани поттикнат од новите мерки за превенција против коронавирусот, на кој беа упатени навреди и вулгарни пораки кон новинарите, Агенцијата за аудио и аудиовизуелни медиумски услуги потенцира дека ваквиот однос претставува директен напад врз слободата на медиумите и правото на јавноста да биде информирана.

Агенцијата ги осудува сите форми на омаловажување и вербални навреди врз новинарите и апелира да се почитува достоинството на новинарската професија, како и личното достоинство на медиумските професионалци.

Воедно, потенцира дека обезбедувањето услови за непречено работење на медиумските работници е неопходен предуслов за слободата на информирање.

МАКФАКС