Алтернатива не сака да даде министерства за Алијанса да влезе во Владата

Генералниот секретар на Алтернатива, Зеќирија Ибрахими кажа дека не гледа причина за влез на некоја друга партија во Владата.

„Мнозинството е истото од лани кога Алтернатива се приклучи на Владата. Единствено ново е стравот на ДУИ да не остане без ‘огнените пратеници’. Во тој случај ДУИ ќе бара некоја резервна гума, а останува да видиме дали Алијанса ќе го прифати тоа“, вели Ибрахими.

Алтернатива не планира да отстапи министерски места за Алијанса да стане дел од Владата, па премиерот Димитар Ковачевски и лидерот на ДУИ, Али Ахмети треба да продолжат со преговори и СДСМ и ДУИ да отстапат дел од своите ресори, кажа Ибрахими за „Слободен печат“.