Денеска не излегувајте нигде без чадор, ќе врне дожд, а ќе падне и снег!
Времето денеска ќе биде променливо облачно со умерен, повремено засилен јужен ветер. Попладне и во вечерните часови ќе има локални врнежи од дожд, а на повисоките планини врнежи од снег. Минималната температура ќе биде во интервал 2 до 8, а максималната од 10 до 16 степени.
Во Скопје времето ќе биде променливо облачно со умерен, повремено засилен јужен ветер. Минималната температура ќе се спушти до 3, а максималната ќе достигне 13 степени.
Управата за хидрометеоролошки работи информира дека од денеска претстои период на променливо облачно време со врнежи од дожд, а на планините од снег. Повремено врнежите ќе бидат пообилни. Во сабота кога ќе настапи преодно стабилизирање.
-Во почетокот на идната седмица поради заладување, врнежите ќе преминуваат во снег и на некои пониски места, соопшти УХМР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
