Филипче: На ГАК се породуваат и лекуваат заразени трудници под посебни протоколи
По повод Светскиот ден на акушерките сакам да се заблагодарам за придонесот и посветеноста за работата која ја извршувате и во текот на пандемијата. Вашата грижа за пациентите е од голема важност, а особено отежната при процесот на спроведување на протоколите за заштита од Ковид-19, напиша на својот фејсбук профил министерот за здравство Венко Филипче.
На Универзитетската клиника за гинекологија и акушерство, посочува министерот, се лекуваат и породуваат трудници позитивни на вирусот под предвидените протоколи и знаеме дека работењето во вакви услови е специфично.
-Благодарение на вас, врвната нега која неуморно ја давате во текот на пандемијата се одвива во континуитет во изминатиот период, објави Филипче.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа