Изгаснат пожарот во бараката на Општина Кисела Вода
Изгаснат е пожарот што избувна денеска околу 11 часот во барака 3 во објектот на Општина Кисела Вода.
Како што соопшти Општина Кисела Вода, пожарот настанал поради дефект во застарената електрична инсталација, а веднаш бил локализиран од страна на вработените. Нема повредени лица и е причинета само незначителна материјална штета.
На местото пристигнале екипи од Противпожарната бригада и од Полициската станица во Кисела Вода, но немало потреба од дополнителна интервенција.
– Ги известуваме граѓаните дека во моментов во барака 3, во која е сместен Секторот за урбанизам е прекинато електричното напојување, но се работи на надминување на проблемот и се надеваме дека за кратко време ќе продолжи вообичаената динамика на работниот процес, соопшти Општина Кисела Вода
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа