Ковачевски: Ние сме определени за членство во ЕУ, но преку достоинствено решение со Бугарија базирано на европски вредности
Премиерот на Македонија, Димитар Ковачевски одговараше на новинарските прашања.
„Јас можам да кажам за она што ние како држава го имаме како цел а тоа е што побрзо отпочнување на преговорите со ЕУ и дека решението за ова прашање треба да се базира на европски вредности, со почит кон достоинството на сите граѓани на двете држави и со взаемна почит меѓу политичарите и институциите во Северна Македонија и Бугарија“, истакна претседателот на Владата Димитар Ковачевски во одговор на новинарско прашање.
„Разговорите треба да ги водиме на тие принципи и јас се надевам дека постои простор да седнеме и на база на такви принципи да ги водиме во иднина. Така разговарам со премиерот на Бугарија. Со тон и дух на комуникација којшто соодветствува на двајца премиери и јас таква комуникација на неделно ниво имам со премиерите и претседателите на Србија, Грција, Албанија и со другите во регионот“, нагласи премиерот Ковачевски.
21.04.2022 - 12:52
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
