Мечето Теди веќе почна да се смее: Почне лекувањето од анкциозност по ужасите во штипската Зоолошка (ФОТО)

Мечето Теди кое три и пол години живееше во ужасен кафез во штипската Зоолошка градина денеска беше пуштено во резерватот во Белица, Бугарија. Активини за заштита на животното објавија фотографии на кои може да се види дека веќе има подобрување во неговата состојба.

Теди пред една недела од Штип замина за Бугарија каде го лекуваа од анкциозност поради тесниот кафез. Токму неговото живеалиште беше причина за повреди на шепите, а добиваше и тикови.

За убав ден, Теди е пуштен надвор во новиот дом во паркот во Белица. После неколку денови во карантин, мечето конечно ужива. Нема веќе решетки, нема веќе мокар бетон. Абе како насмеан и среќен е на фоткиве, се расплакав, напиша активистката Тина Мицковска која всушност ја почна и постапката за негово лекување во странство.