Меџити: Коалицијата ВЛЕН е единствениот претставник на албанците
Лидерот на Демократското движење и истовремено носител на Коалиционата листа ВЛЕН во првата ИЕ, Изет Меџити, денеска ја посети Старата скопска чаршија, додека пред медиумите изјави дека на овие избори чистиот претставник на Албанците е само Коалицијата ВЛЕН.
„Но, на овие избори чист претставник на Албанците е само коалицијата ВЛЕН. Европскиот фронт има граѓански концепт. Али Ахмети, Мендух Тачи, Зиадин Села, помогнати од партии на малцинствата: Турци, Роми, Босанци, успеаја да направат разлика од чистата албанска коалиција ВЛЕН, но го загубија правото да се повикуваат на албански гласови и во национален концепт. На 8 мај ќе бидеме легитимни претставници и победници на албанскиот табор, со повеќе албански гласови, со повеќе пратеници Албанци и следствено на тоа ќе го контролираме мнозинството на Бадентер во следниот Парламент“, рече Меџити.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа