Меѓу починатите од Ковид 19 денеска и трудница од Куманово - бебето ставено во инкубатор
Министерството за здравство денеска соопшти дека се регистрирани четворица починати од Ковид 19 во изминатово деноноќие.
Меѓу нив е и 39-годишна трудница од Куманово, која била заразена, објави Телма.
Пред да и се влоши состојбата бебето било извадено на Клиниката за гинекологија и акушерство со царски рез и било ставено во инкубатор.
Како што дознава Телма, жената била без коморбидитети во седми месец од бременоста. Пет денови се лекувала во кумановската болница и три на ГАК. Но резултатите од хемостазата биле лоши, се интервенирало со лекови за корекција на крвта, но и паѓала и сатурацијата па е породена со царски рез. По пораѓајот е прфрлена на инфективната клиника во Скопје и на машина била приклучена 48 часови. Починала ноќеска. По професија била логопед, но не била вакцинирана.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа