Мојес во Реал Сосиедад?

Поранешниот менаџер на Манчестер Јунајтед би можел да го преземе баскискиот тим Реал Сосиедад, пренесуваат англиските медиуми.

Мојес од напуштањето на клупата на Јунајтед пред десет месеци е без ангажман, што наскоро би можело да се промени, доколку договорите со неговите потенцијални работодавачи се одвиваат во вистинска насока за двете страни.

Англиските медиуми пренесуваат дека Мојес, по неславната епизода во Манчестер, е поготвен да се впушти во тренерските води, но дека не е сигурен дали Реал Сосиедад е најдобар избор за повраток.

Баскијците се претпоследни на табелата на Примера со само една победа и шест бодови по 11 одиграни кола.