Селекторот Ѓуровски ги избрка Јаховиќ и Георгиевски од репрезентацијата
На само еден ден пред квалификацискиот меч против Словачка, напаѓачот Адис Јаховиќ и дефанзивецот Даниел Георгиевски се избркани од репрезентацијата.
Селекторот на Македонија Бошко Ѓуровски на прес-конференцијата во пресрет на мечот со Словачка не откри што точно се случило и зошто ги отстранил двајцата репрезентативци, но изјави дека не му се потребни играчи кои на тренинг покажуваат нетрпение.
-Јаховиќ и Георгиевски покажуваат нетрпение на тринзите. Мене не ми се потребни играчи кои не се сакаат. Играњето за Македонија треба да биде чест и за оваа репрезентација ќе играат играчи кои ќе даваат максимум, изјави селекторот Ѓуровски.
На нивните места ќе повика двајца играчи од младата репрезентација.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа