ФОТО: Бони во Сити за 28 милиони фунти
Напаѓачот на Свонси Вилфред Бони и официјално во продолжението на сезоната ќе го носи дресот на Манчестер Сити.
Трансферот на Твитер профилот го потврди Фудбалската асоцијација на Брегот на Слоновата Коска, а дури беше објавена фотографија од фудбалерот кој позира со дресот на Манчестер Сити.
Веднаш реагираа од Свонси и преку својот Твитер порачаа дека се уште зделката не е дефинитивно склучена и дека кога ќе биде тоа веднаш ќе ги известат своите фанови, а не тоа да го прави ФА на Брегот на Слоновата Коска.
Како и да е, се е готово, а во текот на денот се очекува и Свонси да го потврди трансферот.
Трансферот е вреден 28 милиони фунти, а Бони на „Граѓаните“ ќе им се приклучи по Африканскиот куп на нации каде учествува со својата репрезентација БСК.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа