Уште не почнато првенството во Катар победа за Македонија - претставени сме под уставно име
Вечерва во арената Лусеил свечено беше отворено 25-тото Светско првенство во ракомет чиј домаќин до први следниот месец ќе биде Катар.
Церемонијата на отворањето беше спектакуларна, а присутните во арената ги поздрави првиот човек на светскиот ракомет Хасан Мустафа и неговата екселенција, шеикот Јоан Бин Хамад Ал Тани.
Во делот од спектаклот што го подготвија домаќините партиципираше и Даниел Кајмакоски, кој е дел од групата што ја исполнува химната на Мундијалот.
На свеченото отворање присуствуваше и претседателот на Република Македонија, Ѓорѓе Иванов, кој утре ќе го следи и првиот настап на нашите ракометари на шампионатот против селекцијата на Тунис.
Организаторот на Свеченото отварање, Македонија ја претстави под уставното име.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа