Ивановиќ и Робредо елиминирани во првото коло на АО
На терените во Мелбурн почна првиот годинашен Грен слем, а веќе на стартот се случија две изненадувања, по едно во женска и во машка конкуренција.
За српската тенисерка Ана Ивановиќ и Шпанецот Томи Робредо Австралија Опен 2015 заврши уште во првото коло.
Ивановиќ загуби од 142.тенисерка на ВТА – листата, Лусија Храдецка, додека Томи Робредо поради повреда уште во првиот сет го предаде мечот против Едуард Роџер-Васелин (Франција).
Кај дамите, елиминација доживеа и германската тенисерка Анжелик Кербер, која со 2:1 во сетови загуби од Романката Бегу, додека Ежени Бушар (Канада) беше поуспешна од Ана-Лејн Фридсам (Германија) со 2:0.
Во машка конкуренција, Рафаел Надал (Шпанија) го победи Русинот Михаил Јужњи, а максимална победа во три сета оствари уште еден фаворит, Енди Мареј (В.Британија) против Јуки Бамбри (Индија).
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
