ВИДЕО: Фудбалер за време на натпревар зборува на мобилен
Украинскиот фудбалер Володомир Козленко е суспендиран затоа што за време на натпревар зборувал на мобилен телефон, соопшти неговиот клуб Енергија Нова Кахова.
Козленко е снимен како разговара на мобилен додека неговиот третолигашки клуб играше пријателски меч против прволигашот Олимпик од Доњецк на еден турнир во близина на Киев.
Козленко го чувал телефонот во шорцевите и повремено зборуваше на него, а неговиот клуб однесувањето на фудбалерот го оцени како антифудбалско и кловновско.
Фудбалерот е суспендиран до крајот на овој турнир, а суспендирани се помошните судии и делегатот кои не реагирале на ваквото негово однесување.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа