Кожув ја пречекува Сутјеска во дуел од БИБЛ лигата

Во регионалната кошаркарска Балканска лига (БИБЛ) денеска и утре се играат првите средби во новоформираните групи.

Кошаркарите на Кожув, кои првиот дел од сезоната го завршија со максимален број на победи, вечерва пред својата публика од 19 часот, ја пречекуваат црногорската екипа Стутјеска од Никшиќ.

Ова е дуел од Д групата во која утре ќе играат Рилски спортист и Сигал Приштина.

Вториот македонски претставник во БИБЛ лигата, Куманово својот натпревар од 1.коло во Ц групата ќе го игра утревечер (19 часот) и тоа на домашен терен против романската Крајова. Во првиот меч од оваа група вечерва играат Пеќ и Морнар.

Ц група – табела: Пеќ 4 бодови, Крајова 3, Морнар 3 и Куманово 2.

Д група – табела: Кожув 4 бодови, Рилски спортист 3, Сутјеска 3 и Сигал 2.