ВИДЕО: Пандев стрелаше за Галатасарај

По пауза од месец и половина Горан Пандев постигна гол во дресот на Галатасарај и овој пат во Купот на Турција.

Македонскиот интернационалец беше стартер на мечот против Балчова во Купот на Турција кој Галатасарај го доби со 3:1 на домашен терен.

Пандев со глава погоди во 74-тата минута по еден центаршут од десната страна поставувајќи го конечниот резултат од 3:1, а една минута подоцна беше изваден од игра. Ова е петти гол на Пандев во Купот на Турција и заедно со Озкан и Вебо го делат првото место на листата на стрелците.