Испратила милион фунти на човек кој никогаш не го сретнала

Пред 18 месеци, Сара се запознала на интернет со човек од Милано, во кој веднаш се заљубила.

Таа гостуваше во емисијата на д-р Фил, каде ја раскажа својата неверојатна приказна, пишува Мирор.

Со човекот по име Крис Олсен се допишувала 18 месеци, а во тој период станале многу блиски, па Сара сметала дека тој искрено е заљубен во неа.

Секој ден по 4 часа разговарале на телефон и се повеќе се зближувале, но никогаш не се сретнале очи во очи.

Сепак, тоа не ја спречило Сара да му испрати вкупно 1 милион фунти, кои Крис ги користел за покривање на неговите кредити, хотелски сметки, адвокати и други трошоци.

Верувале или не, Сара си го продала и станот за да му плати кауција кога тој бил уапсен.

Она што е најчудно во целата оваа приказна е фактот што и покрај тоа што Крис бил обвинуван за изнудување на пари, таа верува дека тој искрено ја сака и дека не ја користи.