Олимпик Лион убедлив на гостувањето кај Монпеље
На последниот натпревар од 28.коло од француската Лига 1 синоќа Олимпик Лион постигна висока победа од 5:1 на гостувањето кај Монпеље.
Домашните поведоа со голот на Лукас Бариос во 6.минута. Александр Лаказет во 30.минута од пенал изедначи на 1:1, а десет минути подоцна Набил Фекир донесе водство за гостите од 2:1. Истиот фудбалер во 72.минута зголеми на 3:1, а во судиското надополнување на вториот дел Корентин Толисо и Лаказет постигнаа по еден гол за конечни 1:5. При резултат 1:3 Бариос за домашните не реализираше пенал.
Со овој триумф Олимпик Лион и по ова коло остана лидер на табелата.
Резултати од 28.коло: Монпеље – Олимпик Лион 1:5, Генгамп – Лил 0:1, Сент Етиен – Лориен 2:0, Бастија – Ница 2:1, Каен – Бордо 1:2, Евиан – Монако 1:3, Ремс – Нант 1:0, Рен – Мец 1:0, ПСЖ – Ленс 4:1 и Тулуз – Олимпик Марсеј 1:6.
Табела: Олимпик Лион 57 бодови, ПСЖ 56, Олимпик Марсеј 53, Монако 47, Сент Етиен 46, Бордо 45, Монпеље 42,...
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
