Се отворија портите на Детското Кралство! Витези и принцези го окупираа Скопје!!!
Вчера вечер витези и принцези го окупираа Скопје. Се’ започна во Скопје Сити Мол, кога вратите од поставениот замок се отворија и приказната започна.
Во улоги на дами, принцези, витези и принцови беа најмалите кои облечени во специјални костими од средновековниот период се бореа за чест, трон и титула. Многу насмевки, возбуда, среќа и адреналин можеа да се забележат кај децата, кои повеќе од се’ беа импресионирани од приказната и игрите од средновековниот период.
„Детско кралство“ е меѓународна интерактивна изложба за деца од 6 до 11 години и претставува симулација на животниот стил во средниот век. Исто како и во книгите, децата од вчера веќе имаа можност да го доживеат светот на храбрите витези, да пропатуваат назад во времето, да учествуваат во херојски битки. Главен дел од оваа атракција е средновековниот замок, катапулт, змеј, знамиња, штитови и оружја преку интерактивни детски игри и турнири.
Скопје Сити Мол ги повикува сите деца и родители, да го посетат трговскиот од денес па до 15ти септември, да доживеат едно комплетно ново искуство со повеќе забава и многу возбуда како никогаш досега.
Скопје Сити Мол, се’ што сакам од игра, забава и едукација.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа