Сообраќајот денеска ограничен - еве каде нема да се вози во Скопје
СВР Скопје од 15 часот ќе воведе посебен режим на сообраќај на возила и движење на пешаците во деловите од градот кои се во непосредна близина на Градскиот парк поради вечерашниот фудбалски натпревар помеѓу репрезентациите на Македонија и Шпанија од 20.45 часот.
- Ќе биде ограничено движењето на возилата по следните улици кои водат кон фудбалскиот стадион: бул. „Илинден“, ул. „Ристо Шишков“, ул. „Аминта Трети“, ул. „Наум Наумовски-Борче“, како и по сервисните улици во Градски парк околу фудбалскиот стадион, соопшти МВР.
Ограничувањето нема да важи само за возила кои имаат акредитација за движење по наведените сообраќајници за влез кон фудбалскиот објект, а во однос на пешаците ограничувањето нема да важи само за лица кои поседуваат влезници за натпреварот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
