Колегите на Ѓоша во солзи се простија од него: "Многу работеше, малку мислеше на себе"
Шок и неверување по веста за смртта на актерот Ѓоша. Тој почина утрово на 49. годишна возраст, во својот дом, од срцев удар.
Неговите колеги се во шок и не можат да се помират со загубата на омилениот колега.
- Многу ми е жал, многу ме потресе веста. Остави една трага која нема да се избрише никогаш. Ќе го паметиме по хуморот, колегијалноста и добрината, вели Сузана Манчич.
И директорот на Гранд, Саша Поповиќ е скршен од болка.
- Многу ме погоди веста за загубата, ова е огромна и ненадоместлива болка за семејството, но и сите нас кои имавме среќа да го запознаеме во животот. Тажна вест, тажен ден, сочувство до семејството, вели Саша.
И пејачката Каја која со него беше во „Твоето лице звучи познато", вели дека ова е огромна загуба и дека сеуште не и се верува.
Актерката Снежана Савиќ со емотивна изјава се прости од него:
- Што да кажам, педесет години живот, тоа е толку малку. Го познавав и сакав, беше талентиран и духовит, многу работеше, малку мислеше на себе, вели таа.
Тажната вест одекна во регионот. Нека почива во мир.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа