Аплицирање за субвенции за млади земјоделци - побрзајте, рокот трае уште пет дена
До 29 август годинава трае рокот за доставување барања за поддршка на млади земјоделци.
На повикот може да се јават земјоделци до 40-годишна возраст, а аплицирањето е исклулчиво електронски.
Државната поддршка предвидува максимални 600.000 денари неповратна финансиска помош за младите земјоделци кои сакаат да почнат сопствен бизнис. Услов е да бидат запишани во Единствениот регистар на земјоделски стопанства не повеќе од 18 месеци.
Добивањето на субвенцијата зависи и од освоените бодови, односно од тоа каде се наоѓа стопанството и за која намена се аплицира. Најголем број бодови носат барањата за набавка на опрема за чување и складирање на производство, за опрема за преработувачки капацитети и членството во земјоделски задруги.
По одобрувањето на субвенцијата, парите ќе се исплаќаат на максимум три рати.
Повикот беше објавен на 8 август, а документите за аплицирање може да се преземат од веб страницата на Платежната агенција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа