Скопје викендов ќе се спаси од здодевните комарци
Град Скопје утре и задутре ќе изврши авионска дезинсекција против комарци, а од недела до четврток ќе спроведе и теристрична дезинсекција.
Како што информираат од Градот, авионската дезинсекција ќе се спроведе в сабота и во недела во раните утрински часови, а теристричната (прскањето од земја) ќе се спроведува од недела до четврток во периодот од 23 до 04 часот наредниот ден.
– Доколку временските услови не го дозволуваат вршењето на дезинсекцијата, авионската дезинсекција ќе се изврши првиот нареден ден, кога ќе бидат поволни временските услови, во истиот термин, а согласно на тоа ќе се извршува и терестричната дезинсекција, соопшти Град Скопје.
Оттаму ги известуваат пчеларите навремено да ги преземат потребните мерки за заштита на пчелите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
