Почна исплатата на тутунот
Почна исплатата на тутунот од годинашната реколта. Прилепскиот тутунски комбинат, „Сокотаб“ од Битола и фирмата „Пашоски“ веќе ги префрлија парите на сметките на тутунарите, потврдуваат од филијалата на Тутунска банка во Прилеп.
Прилепскиот комбинат исплаќа од првиот ден на откупот, 16 ноември, и ќе продолжи континуирано. Производителот Рамадан Арсланоски од Прилеп е задоволен од процената на тутунот.
- Однесов 340 килограми и ми помина по 240 денари за килограм претежно прва и втора класа зашто родот ми беше квалитетен. Цел живот садам тутун, изјави Арсланоски кој пред филијалата на Тутунска банка чекаше за исплата.
Засега откупот се одвива непречено.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа