Воздухот високо загаден во цело Скопје - не излегувајте ако не морате
Најзагадена утрово, со многу висока концентрација на ПМ 2,5 честички, е Општина Центар, покажаа мерењата за квалитет на воздухот што ги објави Министерство за животна средина и просторно планирање.
Загадени со висока концентрација на ПМ 2,5 се и Карпош, Битола и Куманово, додека за останатите општини податоци нема.
Единствено во Тетово мерењето покажува многу ниско ниво на ПМ 2,5.
Концентрацијата, пак, на ПМ10 е висока во речиси сите скопски општини, Центар, Карпош, Лисиче и Гази Баба, како и во Тетово.
Мерењата покажуваат секојдневен пораст на загадувањето и надминување на среднодневната гранична вредност на ПМ10 која изнесува 50 микрограми на метар кубен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа