Може да биде многу опасно - сите го јадеме, а од него може да се добие Ешерихија коли

Агенцијата за стандарди во прехрамбените производи во Велика Британија објавила предупредување дека бактеријата Ешерихија коли може да се добие од сирово брашно, а предизвикува пролив и повраќање, односно може да доведе до застој во работата на бубрезите.

Предупредувањето е објавено откако се забележани повеќе случаеви на заразени со оваа бактерија, а заболените ја внеле во организмот по подготовка на готови смеси за колачи, односно откако лижеле од сировата, непечена смеса. 

Се уште не се знае дали во Европа е стигнато контаминираното брашно, но предупредувањето секако стои.

Инаку, покрај сировото брашно, н треба да се лиже ниту од мешавините за колачи и поради сировите јајца од кои се заканува заразата салмонела. Овие бактерии се уништуваат при термичка обработка на храната.