Банки и извршители го распродаваат имотот на Фијат Цаноски вреден 15 милиони евра

НЛБ Тутунска банка распродава голем дел од имотот на Фијат Цаноски и неговата компанија Фине. Според листата за продажба на имот преку извршител која може да се најде на сајтот на НЛБ Банка,  на продажба е објект и земјиште на Перо Наков каде што беше А1 телевизија но и земјиштето во Гази Баба како и универзитетот во Скопје. Извршителот ја нуди на продажба и семејната куќа на Цаноски во Струга како и друг имот на семејството. Во документот стои дека имотот се располага врз основа на налог за извршување и хипотека а вкупната вредност е нешто под 15 милиони евра.