Златоустова литургија по повод Собор на св. Јован Крстител

Архиепископот охридски и македонски г.г. Стефан утрово по повод празникот Собор на свети Јован Крстител ќе богослужи Златоустова литургија во црквата „Св. Јован Крстител“ во Ново Лисиче.

Црквата уште во првите векови утврдила свети Јован да се прославува веднаш по празникот Богојавление. Овој ден се вика уште и Женски Водици затоа што главен збор во изведувањето на обичаите имаат жените. Именден денеска имаат Јовановци.

Свети Јован Претеча и Крстител се прославува неколку пати во текот на годината, а неговиот собор т. е. главниот празник е на денешен ден.