Акција за генерално чистење на општина Сарај
Јавните претпријатија „Комунална хигиена“ и „Паркови и зеленило“ денеска ја почнаа акцијата за генерално чистење на општина Сарај.
Акцијата, која ќе трае неколку дена, има за цел подигнување на нивото на хигиената и чистотата, во рамки на интервентните мерки за подобрување на квалитетот на амбиенталниот воздух во главниот град.
Во акцијата дневно ќе бидат ангажирани 70 работници, а од механизацијата ќе се употребуваат три специјални комунални возила – метлачки, три специјални комунални возила патарки, две цистерни, еден втоварувач, еден кипер со носивост до 10 тони и два кипера со носивост до 20 тони.
Акцијата ја означија градоначалникот на општината Сарај Блерим Беџети и директорите на ЈП „Комунална хигиена“ и „Паркови и зеленило“ Абдусамед Шабани и Ардијан Муча кои нагласија дека ова е само една од претстојните акции за генерално чистење кои ќе се реализираат во скопските општини.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа